ຄວາມສາມາດພິເສດ..ຂອງເດັກອັດສະຣິຍະ..ມີຄວາມແຕກຕ່າງກັນຫຼາຍປະເພດ

1. ອັດສະຣິຍະທາງດ້ານພາສາ

ເດັກນ້ອຍທີ່ມີຄວາມສາມາດພິເສດດ້ານນີ້..ຊິສາມາດເຂົ້າໃຈພາສາໄດ້ໄວ
ສາມາດໃຊ້ຄຳສັບໄດ້ດີ..ສົນໃຈຄໍາສັບໃໝ່ໆ..ມັກການສະແດງຄວາມຄິດເຫັນ
ມັກການອ່ານ..ການຂຽນ..ການເລົ່າເລື່ອງລາວ..ສົນໃຈສຸພາສິດ..ຄຳສອນຕ່າງໆ

2. ອັດສະຣິຍະທາງດ້ານເຫດຜົນ..ແລະຄະນິດສາດ

ເດັກນ້ອຍທີ່ມີຄວາມສາມາດພິເສດດ້ານນີ້..ສາມາດເຮັດສິ່ງຕ່າງໆ..ໄດ້ຢ່າງເປັນລະບຽບ
ມີຄວາມສາມາດໃນການລຽງລໍາດັບຂັ້ນຕອນ..ຫາຄວາມສໍາພັນຂອງສິ່ງຕ່າງໆ..ໄດ້ດີ
ມັກຈັດສິ່ງຂອງໃຫ້ເປັນລະບົບ..ແບ່ງອອກເປັນໝວດເປັນໝູ່..ໄດ້ຢ່າງມີຫຼັກການ

ມັກຫາວິທີທົດລອງ..ເພື່ອທຳການທົດສອບ..ຂໍ້​ສັງເກດ​ແລະຄວາມຄິດຂອງຕົວເອງ
ມີຄວາມສາມາດຄິດຄຳນວນໃນໃຈໄດ້ໄວ..ມັກການເລ່ນເກມທີ່ມີກົດເກນແລະເຫດຜົນ
ເກມການວາງແຜນຕ່າງໆ..ສາມາດເຂົ້າໃຈແລະໃຊ້ງານຄອມພິວເຕີໄດ້ດີ..ປານວ່າເປັນເລື່ອງທຳມະດາ

3. ອັດສະຣິຍະທາງດ້ານມິຕິສໍາພັນ..ຮູບຊົງແລະໂຄງສ້າງ

ເປັນຄວາມສາມາດຂອງການຄິດເປັນພາບໄດ້..ຮັບຮູ້ເຖິງຄວາມສຳພັນລະຫວ່າງສິ່ງຂອງຕ່າງໆ
ມັກສັງເກດ..ແລະຮັບຮູ້ການປ່ຽນແປງທີ່ເກີດຂຶ້ນ..ເຊັ່ນ ຮູ້ວ່າມີການປ່ຽນຕໍາແໜ່ງຂອງສິ່ງຂອງໃນຫ້ອງ
ສາມາດເຂົ້າໃຈແລະຈົດຈຳແຜນທີ່ໄດ້ດີ..ແຕ່ວ່າເປັນຄົນບໍ່ມັກ..ການຮຽນແບບທ່ອງຈຳ

4. ອັດສະຣິຍະທາງດ້ານດົນຕີ

ມັກເປັນຄົນທີ່ມີຄວາມສາມາດທາງດ້ານດົນຕີ..ຕັ້ງແຕ່ເປັນເດັກນ້ອຍ
ສາມາດຈົດຈຳສຽງ..ແລະທຳນອງໄດ້ດີ..ສາມາດເລ່ນເຄື່ອງດົນຕີໄດ້ເອງ..ໂດຍບໍ່ຕ້ອງມີຄູ​ສອນ​

5. ອັດສະຣິຍະທາງດ້ານການກິລາ..ແລະການເຄື່ອນໄຫວ

ມີຄວາມສາມາດພິເສດ..ໃນການຄວບຄຸມການເຄື່ອນໄຫວຂອງຣ່າງກາຍ..ການຄວບຄຸມຈັງຫວະເວລາ
ມັກເລ່ນກີລາໄດ້ດີ..ເລ່ນກາຍະກຳ..ເຕັ້ນລໍາ..ແລະເປັນນັກສະແດງໄດ້ດີ

6. ອັດສະຣິຍະທາງດ້ານການເຂົ້າສັງຄົມ..ປະຕິ​ສຳພັນ​ກັບຜູ້ອື່ນ

ມີຄວາມສາມາດພິເສດ..ໃນການເວົ້າ..ການສະແດງອອກ..ຢ່າງເປັນທຳມະຊາດ
ຮັບຮູ້..ແລະເຂົ້າໃຈຄວາມຮູ້ສຶກຂອງຄົນອື່ນ..ສາມາດຮັບຟັງຄວາມຄິດເຫັນຂອງຄົນອື່ນໄດ້ດີ

7. ອັດສະຣິຍະທາງດ້ານຄວາມເຊື່ອໝັ້ນ..ແລະເປັນຕົວຂອງຕົວເອງ

ເປັນຄົນທີ່ມີພະລັງພິເສດໃນຕົວເອງ..ຮູ້ຕົວວ່າເປັນຜູ້ໄດ໋..ຕ້ອງການອີຫຍັງໃນຊີວິດ
ເຮັດທຸກຢ່າງດ້ວຍຄວາມໝັ້ນໃຈ..ແລະມີເປົ້າໝາຍຊັດເຈນ..ບໍ່ມີຄວາມຫຍໍ້​ທໍ້​ງ່າຍໆ
ບໍ່ກັງວົນກັບຄວາມຮູ້ສຶກຂອງຄົນອື່ນ..ທີ່ມີຕໍ່ຕົວເອງ..ມັກການຢູ່ຄົນດຽວ..ເຮັດຫຍັງຄົນດຽວ

ໄອສໄຕບອກໄວ້ວ່າ

ຄົນທີ່ສະຫຼາດ..ຊິສາມາດຄິດເປັນພາບໄດ້
ຄົນທີ່ສະຫຼາດກວ່ານັ້ນ..ອາຈຊິຄິດເປັນພາບເຄື່ອນ​ໄຫວ​ໄດ້
ແລະຄົນທີ່ສະຫຼາດທີ່ສຸດ..ອາຈຊິຄິດເປັນພາບຍ້ອນກັບໄດ້
ຄວາມຮູ້..ຄວາມເຂົ້າໃຈ..ຄວາມສະຫຼາດຂອງສະໜອງເດັກນ້ອຍ
ຊິເຮັດໃຫ້ເຮົາ..ສາມາດພັດທະນາຄວາມສາມາດພິເສດຂອງເດັກນ້ອຍ
ສາມາດຈັດລະບົບການຮຽນການສອນ..ທີ່ມີຄວາມເໝາະສົມໄດ້

ການສັງເກດ..ບຸກຄະລິກລັກສະນະ..ຂອງເດັກອັດສະຣິຍະ

ເດັກອັດສະຣິຍະ..ເກີດຂື້ນໄດ້ທຸກຫົນທຸກແຫ່ງ..ໃນໂລກນີ້
ບໍ່ວ່າຊິເປັນ..ປະເທດທີ່ມີຄວາມຈະເລີນກ້າວໜ້າ..ຮັ່ງມີ
ຫຼືວ່າ..ປະເທດຍາກຈົນ..ດ້ອຍພັດທະນາ..ດ້ອຍການສຶກສາ

ຄວາມບໍ່ຮູ້..ບໍ່ເຂົ້າໃຈ..ລັກສະນະ..ຂອງເດັກອັດສະຣິຍະ
ເຮັດໃຫ້ເຮົາ..ເຂົ້າໃຈຜິດວ່າ..ເປັນເດັກນ້ອຍມີປັນຫາ
ເຮັດໃຫ້ເຮົາ..ບ່ສາມາດພັດທະນາ..ຄວາມສະຫຼາດຂອງເດັກ

ຄວາມຮູ້..ຄວາມເຂົ້າໃຈ..ພັດທະນາການຂອງເດັກນ້ອຍ
ຊິເຮັດໃຫ້ເຮົາ..ສາມາດພັດທະນາລະບບການສຶກສາທີ່ຖືກຕ້ອງ
ຊິເຮັດໃຫ້ເຮົາ..ພັດທະນາປະເທດ..ໃຫ້ມີຄວາມຈະເລີນກ້າວໜ້າ


ພຶດຕິກໍາຂອງເດັກນ້ອຍ..ທີ່ມີລັກສະນະ..ເປັນເດັກອັດສະຣິຍະ

ພຶດຕິກໍາຂອງຄວາມເປັນອັດສະຣິຍະ..ສະແດງອອກມາໄດ້ຫຼາຍ​ຢ່າງ..ແຕກຕ່າງກັນໄປ
ເດັກນ້ອຍຊິມີພຶດຕິກໍາ..ແຕກຕ່າງຈາກທຳມະຊາດ..ຂອງເດັກນ້ອຍໃນໄວດຽວກັນ..ດັງນີ້

1. ມີຄວາມສາມາດຮຽນຮູ້ສິ່ງຕ່າງໆ ໄດ້ໄວ..ມີຄວາມຈຳດີ

2. ມີວຸດທິພາວະ..ຄວາມເປັນຜູ້ໃຫຍ່..ເກີນກວ່າເດັກນ້ອຍໃນໄວດຽວກັນ

3. ສົນໃຈການອ່ານໜັງສື..ມີຄວາມສາມາດໃນການໃຊ້ພາສາ..ໃຊ້ຄຳສັບຕ່າງໆ ໄດ້ດີ

4. ມີນິສັຍ..ມັກການແກ້ປັນຫາ..ໂດຍການທົດລອງ..ໂດຍການປະຕິບັດ..ດ້ວຍວິທີຕ່າງໆ

5. ມີນິສັຍ..ມັກຫຼິ້ນກັບເດັກທີ່ມີອາຍຸຫຼາຍກວ່າ..ສົນໃຈການເວົ້າກັບຜູ້ໃຫຍ່..ຜູ້ເຖົ້າ..ຜູ້ແກ່

6. ເປັນເດັກທີ່ມີຄວາມໄວຕ່ອການຮັບຮູ້..ສິ່ງຕ່າງໆ ທີ່ເກີດຂຶ້ນຮອບຕົວ

7. ມີນິສັຍ..ມັກໃຊ້ຄວາມຄິດ..ສະແດງຄວາມຢາກຮູ້..ຢາກເຫັນ..ດ້ວຍຄວາມຄິດທີ່ເລິກເຊິ່ງເກີນອາຍຸ

8. ມີຄວາມເມດຕາ..ກະລຸນາ..ເຫັນໃຈຜູ້ອື່ນ..ແລະສັດລ້ຽງ

9. ມີນິສັຍ..ມັກເກມທີ່ທ້າທາຍຄວາມຄິດ..ເກມໂຕ​ເລກ​..ເກມທາຍປັນຫາ..ເກມກົນອຸບາຍ

10. ມີນິສັຍ..ກ້າສະແດງຄວາມຄິດເຫັນທີ່ຂັດແຍ້ງ..ກ້າໂຕ້ຕອບກັບຜູ້ໃຫຍ່

11. ສະແດງທ່າທີເບື່ອໜ່າຍ..ຖ້າສິ່ງທີ່ເຮັດ..ງ່າຍເກີນໄປ..ບ່ມີຄວາມທ້າທາຍ

12. ມີລັກສະນະເປັນຄົນມີພະລັງ..ມີຄວາມ​ກະຕື​ລືລົ້ນໃນຕົວເອງສູງ