ລູກຊາຍເມືອງພວນ: ຄວາມຫມາຍເທັກໂນໂລຍີ

ເທກໂນໂລຍີແລະການປ່ຽນແປງ ທີ່ສົ່ງຜົນຕໍ່ປະຊາຄົມໂລກ

ເທັກໂນໂລຍີ (Technology) ມີຄວາມຫມາຍຂ້ອນຂ້າງກວ້າງ ໂດຍທົ່ວໄປໝາຍເຖິງສິ່ງທີ່ມະນຸດພັດທະນາຂຶ້ນ ເພື່ອຊ່ວຍໃນການເຮັດວຽກງານຫລືແກ້ບັນຫາຕ່າງໆ ເຊັ່ນ ອຸປະກອນ ເຄື່ອງມື ເຄື່ອງຈັກ ວັດດຸ ຫລືແມ່ນກະທັ່ງທີ່ບໍ່ໄດ້ເປັນສິ່ງຂອງທີ່ຈັບຕ້ອງໄດ້ ເຊັ່ນ ກະບວນການຕ່າງໆ ຊັອຟແວລ໌ ເປັນຕົ້ນ ຄຳວ່າເທັກໂນໂລຍີເຖິງແມ່ນຫລາ-ເທື່ອຈະໃຊ້ໝາຍເຖິງ ສິ່ງປະດິດທີ່ປະດິດຂຶ້ນໂດຍໃຊ້ຄວາມຮູ້ທີ່ຫາກໍ່ຄົ້ນພົບຫລືພັດທະນາຂຶ້ນມາ ແຕ່ສິ່ງປະດິດບູຮານ ເຊັ່ນ ລໍ້ກວຽນ ນັ້ນກໍນັບເປັນເທກໂນໂລຍີ

ເທກໂນໂລຍີກັບວິທະຍາສາດມີຄວາມສຳພັນກັນຫລາຍ ເທກໂນໂລຍີເກີດຈາກພື້ນຖານທາງວິທະຍາສາດ ເປັນການນຳເອົາຄວາມຮູ້ທາງວິທະຍາສາດມາໃຊ້ໃນການປະດິດສິ່ງຂອງຕ່າງ ໆ ໃຫ້ເກີດປະໂຫຍດສູງສຸດ ສ່ວນທີ່ເປັນຂໍ້ແຕກຕ່າງຄືເທກໂນໂລຍີຈະຂຶ້ນຢູ່ກັບປັດໄຈເສດຖະກິດ ເປັນສິນຄ້າມີການຊື້ຂາຍ ສ່ວນຄວາມຮູ້ທາງວິທະຍາສາດເປັນສົມບັດສ່ວນລວມຂອງໂລກ ມີການເຜີຍແຜ່ໂດຍບໍ່ມີການຊື້ຂາຍແຕ່ຢ່າງໃດ ກ່າວໂດຍສະຫລຸບຄື ເທັກໂນໂລຍີສະໄໝໃໝ່ເກີດຂຶ້ນໂດຍມີຄວາມຮູ້ທາງວິທະຍາສາດເປັນຖານຮອງຮັບ

ຄຳວ່າເທັກໂນໂລຍີມີຄວາມສຳພັນກັບການດຳລົງຊີວິດຂອງມະນຸດມາເປັນເວລາດົນ ເປັນສິ່ງທີ່ມະນຸດໃຊ້ແກ້ບັນຫາພື້ນຖານ ໃນການດຳລົງຊີວິດ ເຊັ່ນ ການປູກຝັ້ງ ທີ່ຢູ່ອາໄສ ເຄື່ອງນຸ່ງຫົ່ມ ຢາປິ່ນປົວພະຍາດ ໃນລະຍະທຳອິດເທັກໂນໂລຍີທີ່ນຳມາໃຊ້ ເປັນເທັກໂນໂລຍີພື້ນຖານບໍ່ສະຫລັບຊັບຊ້ອນເໝືອນດັ່ງປະຈຸບັນ ແຕ່ໃນປະຈຸບັນຄົງບໍ່ມີໃຜປະຕິເສດວ່າເທັກໂນໂລຍີມີອິດທິພົນຕໍ່ຊີວິດມະນຸດເປັນຢ່າງຫລາຍ ຊຶ່ງສັງເກດໄດ້ຈາກການດຳເນີນຊີວິດໃນປະຈຸບັນນັບຕັ້ງແຕ່ຕື່ນນອນຈົນກະທັ້ງເຂົ້ານອນ ຊີວິດຂອງມະນຸດຈະຕ້ອງກ່ຽວຂ້ອງກັບເທັກໂນໂລຍີບໍ່ທາງກົງກໍທາງອ້ອມ ບໍ່ວ່າຈະເປັນໃນດ້ານອາຫານການກິນ ການແຕ່ງກາຍ ການສ້າງທີ່ຢູ່ອາໄສ ຢາປິ່ນປົວພະຍາດ ການເດິນທາງ ການຕິດຕໍ່ສື່ສານລະຫວ່າງກັນແລະ ອື່ນໆ ທັງໝົດນີ້ລ້ວນກ່ຽວຂ້ອງກັບເທກໂນໂລຍີທັງສິ້ນ ໂດຍສະເພາະຢ່າງຍິ່ງໃນປະຈຸບັນແທບທຸກປະເທດໃນໂລກ້ວນຕ້ອງການສ້າງຄວາມໄດ້ປຽບໃນເຊີງການແຂ່ງຂັນກັບປະເທດອື່ນໆ ດ້ວຍການສ້າງອົງຄວາມຮູ້ທາງດ້ານເທກໂນໂລຍີໃໝ່ໆ ທັງນີ້ເນື່ອງຈາກການປ່ຽນແປງທາງເທັກໂນໂລຍີພາຍໃຕ້ກະແສໂລກາພິວັດເຮັດໃຫ້ຄວາມໄດ້ປຽບໃນເລື່ອງຊັບຢາກອນທາງທຳມະຊາດຖືກແທນທີ່ດ້ວຍຄວາມໄດ້ປຽບໃນດ້ານເທັກໂນໂລຍີ ຊຶ່ງເປັນຕົວແປທີ່ສຳຄັນທີ່ສົ່ງຜົນຕໍ່ອຳນາດການຕໍ່ຮອງໃນເວທີການຄ້າລະຫວ່າງປະເທດ ກ່າວຄືໃນປະຈຸບັນປະເທດທີ່ເປັນເຈົ້າຂອງເທັກໂນໂລຍີສາມາດສ້າງຄວາມຈະເລີນມັ່ງຄັ່ງໃນທາງເສດຖະກິດໄດ້ຢ່າງວ່ອງໄວທັງນີ້ເນື່ອງມາຈາກຄວາມຈຳເປັນຕ່າງໆໃນດ້ານການດຳລົງຊີວິດຂອງມະນຸດທີ່ພຶ່ງພາເທກໂນໂລຍີຫລາຍຂຶ້ນ ດັ່ງນັ້ນຄວາມຮູ້ຄວາມເຂົ້າໃຈໃນເລື່ອງທີ່ກ່ຽວກັບເທກໂນໂລຍີຕ່າງໆ ທີ່ມີບົດບາດໃນໂລກຍຸກປະຈຸບັນ ລວມທັງຜົນກະທົບຈາກປ່ຽນແປງທາງເທກໂນໂລຍີທີ່ມີຜົນຕໍ່ປະຊາຄົມໂລກຈຶ່ງເປັນສິ່ງທີ່ຈະຊ່ວຍໃຫ້ການດຳເນີນຊີວິດທ່າມກາງກະແສໂລກໃນປະຈຸບັນເປັນໄປຢ່າງຫມັ້ນຄົງແລະຮູ້ເທົ່າທັນເຖິງຜົນກະທົບຂອງການປ່ຽນແປງທີ່ມີຕໍ່ຕົນເອງແລະສັງຄົມ